"Сіня-белыя" рыхтуюцца да новага сезону пад кіраўніцтвам Юрыя Канаплёва. У камандзе на праглядзе знаходзяцца Алег Лебедзеў і Вячаслаў Юрасаў з дубля наваполацкага "Нафтана", Дзяніс Дзехцяр з магілёўскага "Тарпеда", Максім Грачыха са "Слоніма", Вячаслаў Камінскі з мазырскай "Славіі", Васіль Антоненка са шклоўскага "Спартака" і Сяргей Галоўчык з "Баранавічаў".
5 сакавіка "Орша" правяла першы перадсезонны матч з моладзевым складам бабруйскай "Белшыны". Матч прайшоў на полі суперніка ў Бабруйску. Адметна, што ў складзе дубля "Белшыны" на поле выйшаў атакуючы паўабаронца Глеб Жалезнікаў - сын знакамітага ў мінулым капітана "Оршы" Алега Жалезнікава. Матч скончыўся ўнічыю 0:0.
Відэа з гульні: "Орша" ў жоўтым.
