Орша, Спорт

Першая перамога ў міжсезонні

13.03.2016 11:22

2571 прагляд, 0 каментароў

Футбольны клуб "Орша" выйграў у дублёраў "Нафтана".

Аршанцы 12-га сакавіка згулялі гасцявы матч супраць дублёраў наваполацкага "Нафтана". Паядынак у Наваполацку скончыўся перамогай "сіня-белых". Па ходу сустрэчы аршанцы саступалі ў ліку, аднак праявілі волю і перамаглі. Зраўняў лік Сяргей Галоўчык, які знаходзіцца на праглядзе. Раней ён, як мы раней паведамлялі, выступаў за "Баранавічы". Затым гол правёў ветэран "Оршы" нападнік Мікалай Кітаёў, а падвёў рысу па паядынкам яшчэ адзін футбаліст, які знаходзіцца на праглядзе. Гэта Яўген Зямко, які прыехаў з дубля "Віцебска". У выніку перамога аршанцаў 3:1. У першым міжсезонным спарынгу "Орша" гуляла супраць дубля бабруйскай "Белшыны", тады каманды разышліся мірам 0:0.