Таццяна вельмі ўдала распачала праграму свайго віду велатрэку - ў скрэтчы яна ўпэўнена заняла 1-е месца. У другім відзе омніюму - гонцы індывідуальнага пераследу - беларуска стала 10-й. У заключным відзе першага з двух дзён праграмы - гонцы на выбыванне - Таццяна стала 7-й.
У агульным заліку пасля трох відаў аршанка займае 5-ты радок, адставанне ад лідэра некрытычнае, а гэта значыць, што Шаракова мае абсалютна рэальныя медальныя перспектывы, калі паспяхова правядзе астатнія тры віды праграмы.
Праграма на 16 жніўня такая: спачатку а 16:57 па беларускім часе пройдзе круг з ходу, а 22:10 гіт з месца і, нарэшце, а 23:05 стартуе гонка па балах - апошняя, шостая дысцыпліна омніюму, пасля якой і будуць названыя чэмпіён і прызёры Алімпіяды. Пра трансляцыі велатрэку канкрэтна не паведамляецца, аднак калі беларускія тэлеканалы абмінуць выступ Таццяны Шараковай, выступ аршанкі можна будзе глядзець праз інтэрнэт, напрыклад, на сайце livetv.sx.
Поўная табліца пасля 3-х відаў.
