Гульня "Вітэн" - "Ахова-Дынама" пройдзе ў аршанскім спартовым комплексе "Алімпіец" 11 снежня і пачнецца а 14:00. У 13 папярэдніх сустрэчах "ахоўнікі" набралі толькі 12 пунктаў і займаюць 13-е месца сярод 16 камандаў. "Вітэн" пакуль выступае ў чэмпіянаце не так паспяхова, як хацелася, у "чырвона-чорных" 6-я пазіцыя з 22 пунктамі. Адставанне аршанцаў ад гомельскага ВРЗ, які ўзначальвае табліцу, складае ўжо 14 пунктаў, гэта вельмі ўскладняе барацьбу за чэмпіёнства, а ў выпадку няўдач у бліжэйшых гульнях і наогул зробіць яе немагчымай.
Радасцю на дадзены момант з'яўляецца выступленне Антона Гусакова, які за гэты чэмпіянат забіў ужо 14 галоў і аддаў 6 галявых перадач.
