Скончыўся першы круг чэмпіянату Беларусі па міні-футболе ў Вышэйшай лізе. У заключнай гульні першай паловы аршанскі "Вітэн" гуляў у Магілёве з мясцовым "Фортэ".
Хуткія галы вырашылі лёс сустрэчы. "Чырвона-чорныя", якія і так прыехалі ў Магілёў у статусе фаварытаў, яшчэ і сходу падмацавалі свой статус забітымі мячамі. Ужо на 3-й хвіліне Падалінскі пасля пасу Еўдакімава адкрыў лік. Другога гола доўга чакаць не давялося. Ужо на 9-м крузе секунднай стрэлкі Чарніенка з перадачы аўтара першага мяча Падалінскага забівае другі гол! З такім лікам матч і скончыўся. Перамога "Вітэна" 2:0.
"Вітэн" набраў 28 пунктаў і працягвае займаць 6-ю пазіцыю ў турнірнай табліцы. Адрыў ад 7-га месца, на якім гомельскі БЧ, складае ўжо 4 пункты. Да 5-га, на якім сталічны МАПІД, толькі 1 пункт.
