Орша, Спорт

"Вітэн" прайшоў "Ахову"

10.01.2017 07:07

2424 прагляду, 0 каментароў

Аршанскі "Вітэн" выйшаў у "фінал чатырох" Кубка Беларусі, хаця гульня магла і не адбыцца.

Гульня ў адказ, якая была запланаваная ў Оршы, магла і не адбыцца. Ніводзін з чатырох аўтобусаў, якія належаць МУС і гатовыя везці футбалістаў "Аховы-Дынама" на гасцявыя матчы, не завёўся з-за моцных маразоў. Але ў рэшце рэшт "міліцыянты" выехалі ў Оршу на сустрэчу. Гульня была затрымана на цэлую гадзіну, але народ з "Алімпійца" не разыходзіўся - ўсе хацелі ўбачыць якасны міні-футбол. І яны яго ўбачылі. "Вітэн" перамог у першым матчы ў гасцях з лікам 2:0, а дома нанёс паразу "міліцыянтам" 3:1. Галы за "Вітэн" забівалі двойчы Падалінскі і аднойчы Гусакоў. Прычым свой другі мяч Падалінскі забіў за хвіліну да канца ў пустую браму "Аховы", калі тая стала ўжо рызыкаваць і выпусціла "брамніка-ганялу".