Брамнік Вячаслаў Камінскі яшчэ на мінулым тыдні падпісаў кантракт з наваполацкім "Нафтанам", цяпер на прагляд у Наваполацк запрошаны яшчэ адзін гулец "сіня-белых" Яўген Пракопчык. Пакуль 23-гадовы Пракопчык толькі разглядаецца ў якасці патэнцыйнага футбаліста каманды Вышэйшай лігі, калі прагляд будзе паспяховым, тады "Орша" пазбавіцца яшчэ аднаго гульца. Дарэчы, у лагеры "Нафтана" на дадзены момант знаходзіцца і экс-форвард "Оршы" Яўген Зямко, які другую палову мінулага сезону правёў за мікашэвіцкі "Граніт". Таксама з'явілася інфармацыя пра сыход з клуба паўабаронцы Максіма Грачыхі, але пакуль нічога не вядома пра клуб, у які хаўбэк збіраецца перайсці.
Сама "Орша" аднавіла трэніроўкі, але на іх прысутнічаюць пакуль не ўсе футбалісты.
