Гульня "Вітэна" з "Аматарам" адбудзецца 12-га лютага, у нядзелю. Пачатак сустрэчы, якая прызначана ў спартовым комплексе "Алімпіец", адбудзецца а 14:00. Пакуль аршанцы адстаюць ад тройкі лідараў на 3 пункты, але маюць на матч больш за супернікаў. "Аматар" у табліцы ідзе на 14-м радку, апярэджваючы толькі менскае "Дынама"-БНТУ і светлагорскі ЦКК.
У першым коле чэмпіянату "Вітэн" перамог у Берасці 4:0. Гулец "Вітэна" Антон Гусакоў забіў 17 галоў і займае 2-гі радок у рэестры бамбардзіраў. Больш забіў толькі Яўген Клачко з гомельскага ВРЗ - 27 мячоў.
