Праблемы з пратэрмінаванай прадукцыяй існуюць не толькі ў 120-тысячнай Оршы, але і ў невялічкім пасёлку гарадскога тыпу Балбасава. Крама "Доброном" не вылучаецца вялікімі памерамі, аднак тут на вітрынах прадавалася печыва з цвіллю, сасіскі, вараная каўбаса і салямі, якія даўно трэба было здымаць з рэалізацыі. І ўпершыню ў гісторыі рэйдаў ініцыятывы "Хрушы супраць" у краме было знойдзена пратэрмінаванае дзіцячае харчаванне. Час пратэрміноўкі некаторых прадуктаў склаў не дні і не тыдні, а цэлыя месяцы! Персанал крамы не ўчыняў ніякіх скандалаў і спакойна разрэзаў прадукцыю са скончаным тэрмінам прыдатнасці.
Нагадаем, што незадоўга да свайго візіту ў Балбасава валанцёры арганізацыі "Хрушы супраць" далі вялікае інтэрв'ю Orsha.eu, у якім з сумам адзначылі, што Орша з'яўляецца лідэрам па аб'ёмах пратэрмінаваных прадуктаў у крамах.
