Не зважаючы на брутальны разгон акцыі ў Мінску 25-га сакавіка і затрыманні, вобшукі ды арышты ў Оршы людзі на Цэнтральную плошчу выйшлі. Як такавога арганізатара акцыі не было, паведамленні пра яе з'яўляліся ў сацыяльных сетках, пры чым, вельмі разнастайныя. Нехта заклікаў людзей выходзіць на Цэнтральную плошчу а 12 гадзіне, нехта казаў пра 13-00. У некаторых паведамленнях і ўвогуле гаварылася, што акцыя адбудзецца каля Езуіцкага калегіюма.
Міліцыя была моцна мабілізаваная, па самой плошчы хадзіла 4 АМАПАўцы, 2 міліцыянты, але, пры гэтым, было шмат супрацоўнікаў у штацкім. Некаторыя сабраўшыеся пазналі ў людзях "у штацкім" міліцэйскіх пенсіянераў. А 12 гадзіне каля "Дома гандлю" было не больш за два дзесяткі патэнцыйных удзельнікаў акцыі, але з часам людзі падцягнуліся і нашы валанцёры налічылі каля ста пратэстуючых. Яшчэ парадку 200 чалавек знаходзіліся ў бліжэйшых да плошчы дварах, чакаючы калі ўсё пачнецца. Але нікога хто мог бы аб'яднаць людзей так і выявілася. Міліцыя ж пры гэтым заклікала ўсіх разыходзіцца. З цягам часу людзі, сапраўды, разыйшліся, але не абыйшлося без затрыманняў. На дадзены момант інфармацыя пра затрыманні ў Оршы ўдакладняецца.
Фота з фэйсбуку Паліны Сцепаненка
