Як паведамілі маці Паўла ў міліцыі вызваліць аднаго з лідараў аргкамітэта па стварэнні партыі БХД павінны былі а 14-35. Але ў гэты час ён з міліцыі не выйшаў. Больш за тое, стала вядома, што да старшыні аршанскай частцы БХД Яўгена Анішчана за некаторы час да вызвалення Паўла наведаў участковы міліцыянт - ён парвяраў ягоную паляўнічую стрэльбу. За тры кіламетры ад Оршы ДАІ спыніла аўтамабіль на якім ехала жонка Севярынца Вольга.
Праз некаторы час Павал змог пазваніць і перадаў сваёй маці ,якая прыехала яго сустракаць, што яго вызвалілі, але на службовай міліцэйскай машыне завезлі на вакзал. Міліцыянты патлумачылі, што так папрасіў сам Павал. Пра што, праўда, Павал сам і не ведаў.
Пакуль Павал знаходзіцца ў Оршы, а 17-00 на Чырвонаармейскай 13 ён плануе прэзентаваць дзве кнігі.
На дадзены момант у Аршанскім ІЧУ застаецца апошні затрыманы за акцыю 12-га сакавіка - Аляксандар Булаўка. Яго мусяць вызваліць заўтра 28-га сакавіка.
