8-га красавіка а 14:00 "Орша" правядзе стартавы матч чэмпіянату Беларусі ў Першай лізе супраць пінскага клуба "Хваля". Перад сезонам склад "Оршы" перацярпеў нямала зменаў. Таленавітыя Захар Волкаў і Аляксандр Кучараў, якія выступалі за "сіня-белых" у арэндзе, вярнуліся ў "Віцебск", але аршанцы ўзялі іншую тройку маладых гульцоў гэтага клуба. Цяпер за "Оршу" ў арэндзе будуць гуляць іншыя прадстаўнікі моладзевай каманды "Віцебска": брамнік Дзмітрый Харытонаў і абаронцы Кірыл Пячэнін і Ілля Варабьёў.
Адразу трое гульцоў прыйшлі ў наш клуб са "Слоніма", гэта абаронцы Яўген Мінянкоў і Міхаіл Шчарбакоў, а таксама паўабаронца Дзмітрый Кухаронак. Хаўбэк Дзмітрый Хількевіч перайшоў у "Оршу" з магілёўскага "Дняпра", адтуль жа прыйшоў і нападнік Аляксандр Гаўрушка. Яшчэ Аляксей Плясуноў прыйшоў у наш клуб з "Граніта" з Мікашэвічаў, а форвард Дзмітрый Іваноў з менскага "Тарпеда". Асобнай увагі заслугоўвае прыход у каманду Глеба Жалезнікава, які раней выступаў за бабруйскую "Белшыну", малады гулец аршанец, сын знакамітага капітана "Оршы" Алега Жалезнікава, які скончыў кар'еру некалькі гадоў таму. Болей за ўсё за міжсезонне ў "сіня-белых" абнавілася лінія абароны.
Брамнікі: Гудзенка Яўген, Харытонаў Дзмітрый.
Абаронцы: Яўген Пракопчык, Яўген Мінянкоў, Міхаіл Шчарбакоў, Кірыл Пячэнін, Аляксей Казарын, Ілля Вараб’ёў.
Паўабаронцы: Сяргей Гігевіч, Уладзімір Хількевіч, Валерый Мараў, Уладзіслаў Знак, Міхаіл Краўчук, Міхаіл Белы, Аляксей Плясуноў, Андрэй Кухаронак, Дзмітрый Жданок, Глеб Жалезнікаў.
Нападнікі: Аляксандр Гаўрушка, Аляксей Хадневіч, Мікалай Кітаёў, Дзмітрый Іваноў.
