Асноўныя акцыі пратэсту ў Оршы, здаецца, скончыліся. Можна падводзіць вынікі, рабіць высновы. Свае вынікі падводзяць і праваабарончыя арганізацыі - такіх масавых акцый пратэсту і такіх масавых рэпрэсій у Оршы не было яшчэ ні разу за ўвесь час незалежнасці краіны. Пад штрафы і затрыманні патрапіла вялікая колькасць не толькі палітычных актывістаў, але і звычайных удзельнікаў акцыяў. І калі з актывістамі ўсё зразумела - яны звычайна ведаюць куды звярнуцца па дапамогу, як дзейнічаць у падобных сітуацыях, то з асобамі якія не ўваходзяць у арганізацыі ўсё праблематычней. Дакладна вядома, што некалькі такіх людзей таксама патрапілі пад рэпрэсіі, але поўнага спісу няма.
У сувязі з гэтым, прафсаюз РЭП просіць адгукнуцца людзей, якія патрапілі пад рэпрэсіі ў перыяд акцыяў 12 і 26-га сакавіка па тэлефонах, каб распавесці свае гісторыі. Кантактныя тэлефоны: +375-29-7125755 (Васіль Ціханавіч), +375-33-6840516 (Аляксандар). Гэта патрэбна не толькі для дапамогі рэпрэсаваным у абскарджванні іх пакаранняў, але таксама і для фіксацыі тых хто затрымліваў, выносіў прысуды і меў іншае дачыненне да палітычных рэпрэсіяў.
