Орша, Спорт

У Лідзе нічыя

18.04.2017 21:13

3150 праглядаў, 0 каментароў

Аршанскі "Вітэн" у гасцявым матч з "Лідсельмашам" згуляў унічыю.

У Лідзе мясцовы "Лідсельмаш" прымаў аршанскі "Вітэн" у паядынку 25-га туру чэмпіянату Беларусі па міні-футболе. Абедзьве каманды вядуць барацьбу за медалі. У першым коле чэмпіянату перамогу святкаваў "Вітэн", але "Лідсельмаш" узяў рэванш у паўфінале Кубка краіны. На гэты раз справа скончылася мірам. Прычым матч мог скончыцца і нічыёй 0:0. Але менш чым за хвіліну да фінальнай сірэны Чарніенка з перадачы Гусакова вывеў "Вітэн" наперад! Але "Лідсельмашу" хапіла апошніх секундаў сустрэчы, каб зраўняць лік. Себіскверадзэ забівае мяч у браму аршанцаў, і нічыя 1:1. Лідзяне ўратаваліся ад паразы. Брамнік "Вітэна" Аляшкевіч і палявы гулец, аўтар першага голу Чарніенка былі прызнаныя лепшымі гульцамі матчу разам з Себіскверадзэ, аўтарам лідскага мяча.