Орша, Спорт

У суперніках — "Scorpion"

10.05.2017 10:52

2491 прагляд, 0 каментароў

Аршанскі "Сяргееў В" вядзе барацьбу за фінал ВітАНБЛ з віцебскім клубам "Scorpion".

У чвэрцьфінале аршанцы прайшлі моцных супернікаў з Віцебска "Трыумф". Цяпер у паўфінальнай барацьбе за галоўны трафей Віцебскай абласной непрафесійнай баскетбольнай лігі аршанцам супрацьстаіць другая віцебская каманда — "Scorpion". У першым матчы, які адбыўся ў Віцебску, "Сяргееў В" вёў у ліку на пачатку сустрэчы 11:0. Затым супернік выраўняў гульню, і ўжо ў канцы першай чвэрці вёў 27:25. А ў канцы першай паловы перавага "Scorpion" вырасла да 53:37. Другая паловы была даволі роўнай, і аршанцы не здолелі дастаць супернікаў. Перамога "Scorpion" 82:67. Гульня ў адказ адбудзецца ў Оршы. Серыя працягваецца да дзвюх перамог. У выпадку паразы "Сяргееў В" чарговы раз выйдзе з барацьбы за трафей у самы апошні момант.