У 1/4 фіналу супернікам "Вітэна" стаў "Лідсельмаш", першая сустрэча пары адбылася ў Лідзе. Ужо на 6-й хвіліне аршанцы выйшлі наперад пасля ўдару Іванова і памылкі галкіпера. Праўда, ужо праз некалькі секундаў "Лідсельмаш" зраўняў лік - 1:1. Гісторыя паўтарыла сюжэт крыху пазней. На 16-й Цікурышвілі зноў выводзіць аршанцаў наперад, але на 18-й Жыгалка з пенальці зноў робіць лік роўным - 2:2. Кульмінацыя гульні прыпала на канец сустрэчы, на 37-й Камека забіў новы лідскі гол, і аршанцы знялі брамніка, каб уратавацца. Але замест гэтага прапусцілі яшчэ адзін - Жыгалка забіў за хвіліну да канца. Перамога "Лідсельмаша" 4:2.
Серыя доўжыцца да 2-х перамог адной з каманд. Лік 1-0 на карысць "Лідсельмаша".
