Як паведамляе сайт nn.by, Аляксандр Лукашэнка даручыў старшыні Следчага камітэта Івану Наскевіч асабіста разабрацца з непрыемным інцыдэнтам, які адбыўся з новым старшынёй Аршанскага выканкама Леанідам Пянькоўскім. Сітуацыя звязана з дзеяннямі аператыўных службаў у дачыненні да нядаўна прызначанай службовай асобы.
"Хто даў права да чалавека, узгодненага да прызначэння прэзідэнтам, урывацца ў дом? Бо для таго, каб праваахоўным органам нават весці нейкія расследавання па чалавеку, які ўваходзіць у кадравы рэестр прэзідэнта, трэба згода прэзідэнта. Уварваліся, пачалі нешта ўдакладняць, - абурыўся Лукашэнка. - Новы чалавек прыйшоў працаваць. Таўро на ім паставілі. Нядобры сігнал".
"Матэрыялы ўжо ёсць. Разбярыцеся. Мне патрэбна мужчынская, сапраўдная ацэнка гэтай сітуацыі", - дадаў Лукашэнка.Што менавіта адбылося ў доме новага мэра, калі і па якой прычыне - невядома. Афіцыйнай інфармацыі ў паведамленнях Следчага Камітэта па гэтым факце няма.
