Орша, Спорт

Атрымалі разгром

04.06.2017 15:17

2614 праглядаў, 5 каментароў

"Орша" разгромлена лідэрам І лігі.

Аршанцы перад матчам займалі 7 радок у турнірнай табліцы, пасля паразы ў Смалявічах "сіня-белыя" апусціліся на 8-е месца. Гульня з лідэрам лігі не стане лёгкай, а супернік у гуморы, гэта стала зразумелым ужо на 3-й хвіліне, калі Шамрук адкрыў лік. На 38-й Кавалюк падвоіў яго. Аршанцы спрабавалі змяніць гульню, стваралі моманты, аднак да сур'ёзных пагрозаў браме гаспадароў справа даходзіла рэдка. А ў другім тайме, ужо блізка да фінальнага свістку "Смалявічы" забілі яшчэ двойчы, зрабіўшы лік разгромным. На 83-й Леўкавец, на 86-й Леановіч прабілі Харытонава і ўсталявалі канчатковы вынік на табло — 4:0. Аршанцы саступаюць у трэцім матчы запар і атрымоўваюць найбуйнейшую ў гэтым сезоне паразу. З пункту гледжання становішча ў табліцы ўсё не так і кепска, але паласа няўдач пакуль не спрыяе радаснаму настрою ў калектыве.