для мерапрыемства дакумантаў: заяўка ў выканкам, дамова з РАУС, дамова з хуткай дапамогай і прыбіральшчыкамі. Нонсэнс сітуацыі, што дэмакраты не могуць сабраць гэтыя дакуманты, бо ні адна з арганізацый не пагаджаецца падпісаць такія дамовы. Пры гэтым, выканкам называе дэмакратаў вінаватымі ў не правільна пададзеных дакумантах, а дэмакраты абвінавачваюць выканкам, бо гэта яго падраздзяленні не падпісваюць дамовы. У выніку размова зайшла ў тупік: прадстаўнікі ўладаў сказалі, што гатовы дазволіць масавае мерапрыемства, калі будзе сабраны пакет дакумантаў. Пры гэтым, не гарантаваўшы, што выканкам (яго структурныя падраздзяленні) дасць магчымасць сабраць такі пакет дакумантаў (падпісаць дамовы).

Калі па першым пытанні размова зайшла ў тупік, то падымаць другое пытанне пра месцы правядзення масавых мерапрыемстваў стала не актуальна. Было адзначана, што тэарэтычна, падаваць заяўку на мітынгі ці пікеты можна ў любое месца акрамя забароненых, але гэта, зноў жа, толькі тэорыя.

Па трэцім пытанні найбольш гаварылі начальніца аддзела культуры Ганна Святлова і старшыня аршанскай арганізацыі "Таварыства беларускай мовы" Юрый Нагорны. Справа ў тым, што ў апошнія некалькі год якіх бы пісьменнікаў, навукоўцаў ды іншых вядомых людзей грамадскія арганізацыі не прывозілі ў Оршу для сустрэчы з жыхарамі горада, улада, як асноўны ўладальнік памяшканняў, не дае дазволу на выступы (у такой жа сітуацыі не толькі грамадскія арганізацыі). У выніку пісьменнікаў ,якіх у іншых гарадах прымаюць на высокім узроўні, на якіх збіраюцца сотні людзей ў Оршы выступаюць у маленькіх кватэрах, цесных офісах або ўвогуле выязжаюць за горад. Нейкіх гарантыяў на дазволы ў дадзеным выпадку дэмакраты ад уладаў таксама не атрымалі, але дамовіліся пра парадак падачы заявак на падобныя мерапрыемствы. Ці зменіць гэтая дамоўленасць нешта, зноў жа, пакажа толькі час.