У французскім горадзе Ліль скончыўся камандны чэмпіянат Еўропы па лёгкай атлетыцы. У фінальным забегу ў жанчын на 100 метраў з бар’ерамі бегла аршанка Аліна Талай. Яна пераадолела дыстанцыю за 12,91, але прайграла Памэле Дуткевіч з Нямеччыны, якая прабегла дыстанцыю за 12,75. Усё-ткі Талай не змагла выйграць змаганне ў немкі.
І тым не менш, Аліна прынесла камандзе Беларусі 10 пунктаў у скарбонку, што было дастаткова важкім унёскам. Але другое месца Аліны не дапамагло, многія іншыя віды былі слабымі, і беларусы яўна прайгралі барацьбу грэкам у табліцы, апярэдзіўшы толькі галандцаў. У выніку Беларусь і Галандыя вылятаюць з Суперлігі ў другі дывізіён, а гэта значыць перастаюць быць элітнымі зборнымі ў лёгкай атлетыцы.
