Прэзентоўваць Аляксанра Рыгоравіча Пазняка як новага старшыню Аршанскага райвыканкама прыехала кіраўніца Адміністрацыі Прэзідэнта Наталля Качанава. Па аналізе журналіссцкіх артыкулаў пра гэтую падзею складаецца ўражанне, што да Качанавай было прыцягнута больш увагі чым да самога мэра: яе словы часцей цытаваліся СМІ, чым словы Пазняка. Асноўны яе пасыл быў пра тое, што Орша павінна стаць паказальнай для іншых, прыкладам таго як можа развівацца горад і раён.
Прэзентоўвалі новага мэра для дэпутатаў мясцовага савета, бо, фармальна, менавіта яны маюць паўнамоцтвы зацьвердзіць ці адхіліць прызначаную прэзідэнтам кандыдатуру. Зацьверджанне і адбылося фармальна: як і ў выпадках з Лісоўскім ды Пянькоскім без спрэчак і абмеркаванняў дэпутаты аднагалосна прагаласавалі за прадстаўленую кандыдатуру. Адпаведна, новы старшыня выканкаму ўступіў у свае паўнамоцтвы.
