Орша, Спорт

Не дабегла да перамогі

16.08.2017 12:55

2285 праглядаў, 6 каментароў

Аліна Талай стала 2-й на турніры ў Варшаве.

Без адпачынку беларуская спрынтарка Аліна Талай працягвае сезон, які блізіцца да заканчэння. Пасля чэмпіянату свету ў Лондане, на якім на сваёй дыстанцыі 100 метраў з бар'ерамі аршанка заняла 6-е месца, Талай паляцела ў Варшаву. У польскай сталіцы на Нацыянальным стадыёне адбыўся Мемарыял Камілы Скалімоўскай. Забег на Мемарыяле не быў асабліва паспяховым для Аліны па часе, яна прабегла павольней, чым у Лондане. З паказчыкам 12,90 секунды Талай стала другой. Яе апярэдзіла Шэрыка Нэлвіс са Злучаных Штатаў (12,65). Талай нарэшце ўдалося апярэдзіць Памэлу Дуткевіч з Нямеччыны, у апошні час немка хоць па фотафінішы, але абыходзіла нашу зямлячку. Праўда, "апярэдзіць" - гучнае і, мабыць, не самае справядлівае слова, Дуткевіч не змагла фінішаваць у забегу. А бронза дасталася Караліне Колечэк з Польшчы, якая паказала вынік 13,26 секунды.