Орша, Спорт

Прыгожы гол Пуцілы

23.08.2017 09:27

2460 праглядаў, 0 каментароў

Аршанец Антон Пуціла забіў у першым жа матчы за новы клуб (відэа).

Наш зямляк Антон Пуціла, якому 23-га чэрвеня споўнілася 30 гадоў, застаецца ў Турцыі. Раней ён выступаў тут за вядомы клуб "Газіентэпспор", у якім правёў 31 матч і забіў 2 галы. Цяпер беларус перайшоў у сталічны "Анкарагюджу" і забіў у першым жа матчы за сваю новую каманду. Клуб выступае ў 1 лізе Турцыі, другім па сіле дывізіёне пасля Суперлігі. У матчы 2-га туру чэмпіянату Пуціла дэбютаваў за новы клуб, "Анкарагюджу" гуляў гасцявы матч з клубам "Алтынарду". Сустрэча скончылася ўнічыю 1:1, а адзіны гол у складзе "Анкарагюджу" забіў якраз Антон Пуціла. На 44-й хвіліне ён шыкоўным ударам з-за межаў штрафной пляцоўкі паслаў мяч дакладна ў вугал брамы суперніка.