“Смалявічы-СТІ” у першым коле не пакінулі ніякіх шанцаў аршанцам, разграміўшы “сіня-белых” 4:0. Каманда гасцей прэтэндуе на выхад у Вышэйшую лігу і зараз займае першае месца ў турнірнай табліцы. Смалявіцкая каманда мае 43 пункты, на адзін бал пераўзыходзіць менскі “Прамень” з гомельскім “Лакаматывам” і на два сталічнае “Тарпеда”. У мінулым туры “Смалявічы” нечакана прайгралі на сваім полі “Смаргоні” з нізу табліцы 0:1. Цяпер прайграваць строга не рэкамендуецца, усяго за адзін тур смалявічцы могуць упасці з 1-га месца на 4-е.
Аршанцы маюць 31 пункт і пакуль ідуць 9-мі. У мінулым туры “сіня-белыя” эфектна перамаглі на выездзе “Слонім” 4:1 і рыхтуюцца даць бой лідэру чэмпіянату.
Раней паміж сабой каманды гулялі 9 разоў. Баланс матчаў “Орша” — “Смалявічы”: +1=4-4, 10:29.
Матч “Орша” — “Смалявічы” пройдзе 30-га верасня на Гарадскім стадыёне Оршы і пачнецца а 16:00.
