У чэмпіянаце Беларусі па міні-футболе праведзена ўжо пяць тураў, і пакуль выступленне аршанскага "Вітэна" непрыемна здзіўляе. Былі і паразы пры спрэчных момантах, была, магчыма, функцыянальная яміна, аднак факт застаецца фактам - каманда прайграла ў трох з пяці паядынкаў на старце. У першым туры "Вітэн" перамог "УУС-Дынама" з Гародні на чужой пляцоўцы 4:2, у другім туры саступіў дома магілёўскаму "Фортэ" 1:2, у наступным паследваў пройгрыш у Менску "Сталіцы" 2:4, а затым дома "чырвона-чорныя" пацярпелі трэцюю запар паразу, на гэты раз ад яшчэ аднаго канкурэнта, з якім аршанцы змагаюцца за медалі. Дома энергетыкі саступілі "Лідсельмашу" 2:3. У 5-м туры была сустрэча з менскім "Дарожнікам", які пакуль не паказвае добрай гульні. З ім была нічыя 4:4.
Толькі 10-я пазіцыя сярод 16 камандаў, лепшым бамбардзірам клуба пакуль з'яўляецца Аляксандр Вяршынін, у якога на рахунку 4 забітыя мячы.
