Матч у Лідзе праходзіў пры амаль пустых трыбунах. Верагодна, мясцовую публіку адпрэчылі са стадыёна не толькі кепскія вынікі свайго клуба ў гэтым сезоне, але і абложны дождж, які няспынна ішоў у Лідзе цэлы дзень. У выніку на трыбунах было вельмі мала гледачоў. Сустрэча атрымалася баявой і вельмі актыўнай. Збольшага ініцыятывай валодалі лідзяне, яны мелі больш шанцаў адзначыцца голам, і пару разоў толькі цуд ратаваў аршанцаў. Аднак і ў сіня-белых былі магчымасці прабіць Нячаева, але гэтага зрабіць не ўдалося.
"Орша": Харытонаў, Пракопчык, Вараб'ёў, Казарэз (Мінянкоў, 80), Хількевіч, Шчарбакоў, Трачынскі, Жданок, Кітаёў (Антоненка, 90+1), Знак (Піваровіч, 71; Волкаў 86), Хадневіч (Сазанкоў, 82).
Пасля нулявой нічыі ў Лідзе аршанцы застаюцца на 11-м радку турнірнай табліцы. На адзін пункт наперадзе "Слонім", які аршанцы нядаўна абгулялі 4:1 у гасцях. Да заканчэння чэмпіянату застаюцца тры матчы, два з якіх "Орша" правядзе дома.
