Матч рэгулярнага чэмпіянату Віцебскай абласной непрафесійнай баскетбольнай лігі паміж аршанскім "Сяргеевым В" і віцебскім "БЛ Груп" адбываўся ў спартовым комплексе "Алімпіец" у Оршы. Аршанцы вялі +7, аднак затым падпусцілі суперніка. А пасля першай паловы "транспартнікі" саступалі 43:46. Пад канец сустрэчы гульня "аранжава-чорных" расстроілася, і яны прайгралі ўладальнікам Кубка ФРИЗХОЛД-МАСТЕР-2017 з лікам 78:95. Самым выніковым гульцом "Сяргеева В" стаў Андрэй Рудакоў, які набраў 29 пунктаў, зрабіўшы 9 перадач і здзейсніўшы 13 падбораў і 2 перахопы. "БЛ Груп" - адзіная каманда, якая яшчэ не прайгравала ў бягучым сезоне.
У "Сяргеева В" 6 пунктаў і 3-е месца ў турнірнай табліцы чэмпіянату. Сама "рэгулярка", можна лічыць, толькі разганяецца, напрыклад, на рахунку аршанцаў яшчэ толькі 4 матчы, 2 з якіх аршанцы прайгралі - "Акадэмспорту" і вось цяпер "БЛ Груп", а 2 выйгралі - ў СДзЮШАР і "Быкоў". На першым месцы "Акадэмспорт", у якога 7 балаў.
