Беларуска Аліна Талай з Оршы не здолела прабіцца ў фінальны забег на чэмпіянаце свету ў закрытых памяшканнях. Ён адбыўся ў Бірмінгеме, Вялікая Брытанія. Аліна паказала ў паўфінале час на 60 метраў з бар’ерамі – 8,07. Другая беларуска ў іншым паўфінальным забегу Эльвіра Герман прабегла лепей – 8,06, аднак гэтага таксама не хапіла для выхаду ў фінал.
Пасля няўдачы Аліна пракаментавала для афіцыйнага сайту Беларускай федэрацыі лёгкай атлетыкі свой бег:
Гэта горшы чэмпіянат з 2010 года. Цяпер цяжка сказаць, што не атрымалася. На другой палове дыстанцыі стала "ляцець" над бар'ерам. Хутчэй за ўсё, проста не справілася з новай хуткасцю. З-за гэтага цяжка было "апрацаваць" бар'ер. Зімовы сезон скончаны, і цяпер наперадзе шмат часу да чэмпіянату Еўропы ў Берліне, каб тэхнічна справіцца з новай хуткасцю і рухам. Я не прывыкла здавацца, таму з панядзелка пачынаю падрыхтоўку да лета.
Пасля прылёту з Бірмінгема Аліна адмовілася размаўляць з журналістамі.
