Кіраўніка аршанскага аргкамітэту па стварэнні партыі Беларуская хрысціянская дэмакратыя, па яго падліках, затрымлівала 15 міліцыянтаў.
Яўген паехаў на Дзень Волі цягніком. Даехаў на машыне да вакзалу і потым сеў у цягнік. Адразу як цягнік пачаў рухацца да яго падыйшлі два міліцыянты, якія патлумачылі афіцыйную прычыну затрымання - ім паступіла заява, што Яўген ехаў да вакзалу на машыне выпіўшым.
Анішчанку ў Талачыне вывелі з цягнікаі пачалі афармляць перадачу затрыманага аршанскімі міліцыянтамі талачынскім міліцыянтам. Талачынскія (працавала над гэтым трое чалавек), у сваю чаргу, талачынскія міліцыянты выклікалі ДАІ з Оршы. У машыне сядзела два чалавекі. Прыехаўшы ў Оршу на яго склалі пратакол за парушэнне правілаў дарожна-транспартнага руху - Яўген пакінуў сваю машыну на паркоўцы каля вакзалу, а там дазволена спыняцца, але не стаяць доўгі час. За тое, што ён пакінуў машыну на доўгі час на яго склалі пратакол і аштрафавалі на 1 базавую велічыню. Яўген не быў супраць і падпісаў пратакол. Пасля доўгай працэдуры падпісання пратаколу актывіста адпусцілі з РАУС, але як толькі ён выйшаў, да яго падыйшлі яшчэ тры міліцыянты і затрымалі. Абвінавацілі яго ў тым, што калі ён вёў машыну на вакзал не прыпыніўся перад знакам абавязковага прыпынку. З гэтым пратаколам Яўген не пагадзіўся, пра што напісаў афіцыйна ў пратаколе.
Яшчэ тры міліцыянты сядзелі ў службовай машыне ў гадзіны ночы 25 сакавіка да 18 гадзін таго ж дня каля пад'езду Яўгена Анішчанка.
Па падліках актывіста, каб яму не даць паехаць у МІнск на дазволены канцэрт амаль суткі працавала аж 15 міліцыянтаў, не ўлічваючы тых хто кіраваў і распрацоўваў гэтую аперацыю.
