Орша, Палітыка

Адназначныя вынікі

14.04.2018 09:03

2784 прагляду, 2 каментара

Упершыню больш за 60% нашых чытачоў выказаліся ў апытанні аднолькава

Звычайна мы ставім апытанні, якія могуць выклікаць дыскусію сярод чытачоў сайту. Для гэтага і падбіраем як мага больш варыянтаў. Але апытанне пра давер да мясцовых выбараў нечакана даў вельмі аднаўначныя вынікі. З 240 прагаласаваўшых, 145 адзначылі пункт "Не давяраю ўсім выбарам у Беларусі". Аніводны іншы варыянт адказаў не набраў сотні галасоў. Другі па папулярнасці варыянт адказаў набраў 27 галасоў - "Гэтыя выбары не цікавыя, бо дэпутаты нічога не вырашаюць". Трэці варыянт з 19 галасамі - "Не давяраю гэтым (прайшоўшым мясцовым выбарам) выбарам цалкам". На чацьвертым месцы з 18 галасамі "А былі выбары?" і толькі пятае месца з 15 галасамі - "Давяраю выбарам цалкам". Гэта крыху больш за 6% ад усіх прагаласаваўшых. Астатнія варыянты адказаў не набралі і 10 галасоў. А самы не папулярны варыянт, які атрымаў толькі адзін голас - "Такія вынікі і былі патрэбны, не важна якім коштам".