Матч 2-га кваліфікацыйнага раўнду Кубка Беларусі паміж "Полацкгазам" і "Оршай" праходзіў у Наваполацку. Гульня складвалася для аршанцаў няпроста, найперш з-за псіхалагічнага ціску, які цяпер вісіць над аршанцамі. Палачане, хоць і выступаюць усяго толькі на ўзроўні чэмпіянату вобласці, затое выйгралі ўсе пяць матчаў на пачатку сезону. А аршанцы прайгралі шэсць запар паядынкаў. Па ходу паядынку ў Наваполацку "Полацкгаз" вёў 2:0, аднак аршанцы здолелі не толькі зраўняць лік, але ў канцы матчу і выйсці наперад. Цяжкая валявая перамога 3:2, і "Орша" праходзіць у 1/16 фіналу Кубка Беларусі. Дубль аформіў Уладзіслаў Знак, яшчэ адзін мяч на рахунку Сяргея Русака.
А на наступнай стадыі сіня-белых чакае спатканне з "Віцебскам". Так званае абласное дэрбі. Матч адбудзецца 28 альбо 29 ліпеня ў Оршы на Гарадскім стадыёне.
