Пратэстоўца, які двойчы выходзіў у Оршы на адзіночныя пікеты з плакатам "Па 500 тут няма" плануе 27 чэрвеня сустрэцца з Аляксандрам Пазняком. Праўда, на гэты ж дзень у Рамана прызначаны разгляд яго касацыі ў абласным судзе.
Таксама, нарэшце, стала вядома па якой прычыне ў Рамана дома супрацоўнікі сілавых структураў праводзілі "агляд" і канфіскавалі кампутарнае абсталяванне. Аказваецца, кампутары канфіскаваныя па факту дыскрэдытацыі прэзідэнта. Праўда, у чым быў факт дыскрэдытацыі, у якім статусе ў справе праходзіць Раман яму не паведамілі. Зараз тэхніка знаходзіцца на экспертызе ў Мінску.
