Букмекеры выставілі свае каэфіцэнты на матч 1/16 фіналу Кубка Беларусі паміж "Оршай" і "Віцебскам". Нагадаем, што ўсе астатнія матчы гэтай стадыі пройдуць з 27 па 29 ліпеня ўключна, а вось матч у Оршы быў перанесены на аўторак, 24-га ліпеня. Ён адбудзецца на Гарадскім стадыёне Оршы ў 17:30. Шанцы "Оршы", якая займае 9-е месца ў Першай лізе, перамагчы "Віцебск", які ідзе ў тройцы лідэраў Вышэйшай лігі, ацэньваюцца вельмі нізка.
Каэфіцэнт на перамогу і, адпаведна, выхад "Оршы" ў 1/8 фіналу ў асноўны час у букмекерскай канторы "Макслайн" складае 7. На "Віцебск" жа толькі 1.2. Каэфіцэнт 5 — значэнне для тых, хто лічыць, што асноўныя 90 хвілін скончацца нічыёй і каманды давядуць справу як мінімум да дадатковых 30 хвілін. Можна паставіць на пазіцыю "перамога "Оршы" альбо нічыя", тады каэфіцэнт будзе 4.13. А на "Віцебск" або нічыю толькі 1.07. З гэтых лічбаў відавочна, што "Орша" лічыцца яўным аўтсайдэрам пары. Ці змогуць аршанцы прысароміць букмекераў? Даведаемся ўжо на стадыёне.
