Асноўныя святкаванні Дня чыгуначніка адбудуцца ў Оршы 5-га жніўня на стадыёне "Лакаматыў", у ДКЧ і наогул у вакзальным раёне. А на Гарадскім стадыёне напярэдадні адбудзецца футбольны матч, у якім прыме ўдзел... "Лакаматыў". Праўда, не аршанскі, а гомельскі. "Орша" адкрые гэтым матчам 2-гі круг чэмпіянату Беларусі ў 1-й лізе.
Раней каманды сустракаліся паміж сабой 13 разоў, у 3 выпадках мацнейшымі былі аршанцы, у 6 гамельчукі і яшчэ 4 матчы скончыліся ўнічыю. Розніца галоў 17-26 не на карысць "Оршы".
Перад пачаткам другой паловы чэмпіянату каманды маюць аднолькавую колькасць набраных балаў, па 15 пасля 14 праведзеныя паядынкаў (9 і 11 месцы). Напярэдадні 2-га кругу "Лакаматыў" расстаўся з папярэднім трэнерам, а ў "Оршы" адбыліся невялікія змены ў складзе. Атакуючы паўабаронца Дзмітрый Барадзін адправіўся ў "Смалявічы" з Вышэйшай лігі, а прыйшоў у лагер "сіня-белых" вопытны Аляксандр Дзегцяроў са "Слоніма".
Матч "Оршы" з "Лакаматывам" пройдзе 4-га жніўня на Гарадскім стадыёне Оршы і пачнецца а 17-й гадзіне.
