Выбары ўсіх узроўняў для Беларусі - вялікая палітычная праблема. Міжнародныя арганізацыі не прызнаюць іх вынікі, унутры краіны не рэдка адбываюцца акцыі пратэсту з-за фальсіфікацыяў вынікаў галасавання. З-за таго, што выбары фальсіфікуюцца, яны становяцца ўсё меньш цікавымі як для палітычных арганізацыяў, так і для саміх выбарцаў. Дайшло да таго, што, нават, саму яўку выбарцаў выбарчым камісіям даводзіцца фальсіфікаваць. Пра гэта ўсё гаварылася ў першай частцы круглага стала, які прайшоў на прайшоўшым тыдні ў гатэлі Орша. У першай частцы выступалі людзі, якія ў Оршы былі задзейнічаны ў кампаніях назірання за выбарамі. Прыводзіліся як канкрэтныя прыклады фальсіфікацыяў, так і агульныя лічбы і тое якія праблемы краіна мае з-за несумленнасці падліку галасоў.
У другой частцы абмеркавання гаворка ішла пра тое як змяніць выбарчы кодэкс, каб, нарэшце, з выбарнымі органамі краіны размаўлялі на роўных ва ўсіх краінах. Пра гэтыя прапановы найбольш гаварылі былы дэпутат Вярхоўнага Савета СССР Віктар Карніенка і былы дэпутат Вярхоўнага Савета Беларусі Анатоль Лябедзька. Яны прапанавалі распачаць грамадскую кампанію па зменам выбарчага заканадаўства. І асноўныя пункты якія варта было б змяніць: фармаванне камісіяў, датэрміновае галасаванне, падлік галасоў. Па прапанове адмыслова створанай каісіі, якая разам з міжнароднымі экспертамі распрацоўвала тыя прапановы, у выбарчыя камісіі павінны фармавацца з абавязковым удзелам кандыдатаў і партыяў, якія ў выбарах цдзельнічаюць. Адпаведна, і рэгістрацыя кандыдатаў павінна адбывацца раней чым фармаванне камісіяў. А выканаўчая ўлада павінна быць адхілена ад стварэння камісіяў, каб прысутнічаў рэальны падзел уладаў. Па датэрміновым галасаванні прапануецца скараціць час такога галасавання, увесці пералік прычынаў па якіх чалавек можа прагаласаваць загадзя і ствараць толькі адзін участак для датэрміновых выбараў на адну акругу. Па падліку галасоў прапаноўваецца дакладна прапісаць увесь механізм падліку, пры каторым бюлетэні для галасавання будуць бачыць усе сябры камісіяў і назіральнікі.
Варта адзначыць, што з прапановай ініцыяваць змены ў выбарчае заканадаўства прадстаўнік Аб'яднанай грамадзянскай партыі ўжо сустракаліся з дэпутатам Палаты Прадстаўнікоў Віталіем Чудовічам. Кампанія распачата, ці прынясе яна вынік у такім прынцыповым пытанні - пакажа час.
