У 17-м туры чэмпіянату Беларусі ў І лізе “Орша” згуляе супраць “Смаргоні”. Адпачатна матч другога кругу павінен быў адбыцца ў Смаргоні, але туды быў перанесены матч першага з-за негатовасці поля ў Оршы ў той час. Тады, у красавіку, сіня-белым не перашкодзіла і чужое поле, аршанцы паказалі класную гульню і перамаглі 2:1 дзякуючы галам Казарына і Знака. З таго часу змянілася шмат, і цяпер смаргонцы займаюць месца крыху вышэйшае за “Оршу”, паведамляе блог аршанскіх фанатаў. У «Смаргоні» 17 пунктаў і 10-я пазіцыя, у каманды нашага горада 15 балаў і 12-я пазіцыя.
Баланс матчаў «Орша» — «Смаргонь»: 9 матчаў, +4=1-4, 14-21
Матч адбудзецца 11-га жніўня на Гарадскім стадыёне Оршы і пачнецца а 17-й гадзіне.
