Беларуская бар'ерыстка Аліна Талай распавяла аб праблемах са здароўем, якія перашкодзілі ёй пазмагацца за перамогу ў фінале чэмпіянату Еўропы 2018. У фінальным забегу на 100 метраў з бар'ерамі на чэмпіянаце Еўропы ў Берліне Аліна Талай не змагла фінішаваць з-за пашкоджання. Перамогу святкавала іншая беларуска Эльвіра Герман, якая затым сказала, што не лічыць сябе тым чалавекам, які павінен суцяшаць Талай.
Аб праблемах аршанка напісала ў Інстаграме.
Усім прывітанне, гэта будзе шкадавання пост. Пасля доўгай адсутнасці зноў магу з'явіцца ў сетцы і зноў магу ўсміхацца. Хацелася б сказаць пару слоў аб мінулым чэмпіянаце Еўропы. (Дзе я ў фінале не змагла скончыць забег). Сезон пачаўся проста пышна для мяне, але ў канцы чэрвеня атрымала траўму і з траўмай прабегла 12.50 на хатняй арэне ў Мінску. І на гэтым мая белая паласа скончылася. Я не магла нармальна хадзіць, не кажучы пра тое, каб бегаць бар'еры на 100%. Кожны дзень я трэніравалася з болем, які немагчыма было трываць. На працягу шасці тыдняў.
А вы ведаеце, што значыць пасля кожнай прабежкі, якую складана і прабежкай назваць, ты спрабуеш стрымаць слёзы ад болю? І так шэсць тыдняў, кожны дзень. Так, я б магла сказаць, што ў мяне траўма і не паехаць на Еўропу, не выступаць, але тады я была б не я. Але там, у Берліне, у мяне проста нічога не выйшла, на адной назе практычна я змагла ўвайсці ў фінал, а ў фінале мая ступня канчаткова "зламалася", і нават зрабіць добры старт ўжо не хапіла. Але я зрабіла ўсё, што ад мяне залежала. Я змагалася, і змагалася да канца. Часам за усмешкай спартоўца стаіць вельмі няпростая гісторыя, хацелася б, каб вы ведалі пра гэта. Але героі, вядома ж, заўсёды іншыя людзі.
