Тлумачэнні ад адміністрацыі "Тэхнікі сувязі" ўзялі журналісты партала tut.by. Нагадаем, што нядаўна не далёка ад Чэрвенскіх могілак, каля кіламетру ад самой Барані, мясцовымі жыхарамі была выяўлена несанкцыянаваная звалка. Некаторы час туды звозіліся розныя рэчы, некаторыя з іх, відавочна, мелі дачыненне да бараньскага прадпрыемства. Але галоўны інжынер прадпрыемства - ён пасля звальнення папярэдняга дырэктара стаў выконваючым абавязкі начальніка "Тэхнікі сувязі" - Дзяніс Багамаз заявіў журналістам, што ў іх недакладная інфармацыя і прадпрыемства туды нічога не вывозіць.

Затое іншае меркаванне выказаў парталу tut.by намеснік начальніка раённай інспекцыі прыродных рэсурсаў Алег Садковіч: "Звалка ўчыніла "Тэхніка сувязі", гэта высветлена. У адносінах заводу складзены пратакол, выпісаны штраф". Паводле інфармацыі tut.by, штраф прыстойны, але не максімальны прадугледжаны за такое парушэнне. Звалку завод учыніў у канцы жніўня. А цяпер да 7 верасня заводу прадпісалі ліквідаваць звалку за свой кошт.

Праўда, словы галоўнага інжынера "Тэхнікі сувязі" пра тое, што завод не ўчыняў звалкі могуць быць і праўдай. Бо інспектары не даюць дакладнага адказу хто пачаў звозіць смецце да могілак: ці адміністрацыя заводу, ці супрацоўнікі іх аўтапарку, як і тое чаму на звалцы з'явіўся вагонь.