Каманда "Оршы" 2008-2009 гадоў нараджэння паўдзельнічала ў турніры ў Талачыне па міні-футболе. Гэта быў ужо ІІІ турнір на прызы Заслужанага трэнера Рэспублікі Беларусь, майстра спорта Георгія Кандрацьева. Акрамя аршанцаў на турніры выступалі яшчэ пяць каманд: Віцебск, Лёзна, Талачын, Навалукамль і Круглае.
У адной групе з аршанцамі гулялі Лёзна і Круглае. Першы матч турніру выйшаў для сіня-белых няўдалым, каманда прайграла 0:4 лёзненскім супернікам. А вось у матчы з Круглым аршанцы здабылі перамогу 2:0. Другое месца ў групе дазволіла змагацца ў матчы за 3-е месца. І ў паядынку за бронзавы медаль аршанцы ўпэўнена перагулялі Навалукамль 4:1. У выніку "Орша" стала бронзавым прызёрам турніру.
Фота блог orshafans.
