Орша, Спорт

Ледзь пазбеглі ганьбы

28.10.2018 07:59

3604 прагляду, 8 каментароў

"Орша" цудам выйграла ў найслабейшай каманды Першай лігі.

Футбалісты "Оршы" завяршаюць сезон у Першай лізе чэмпіянату Беларусі па футболе. Засталося правесці яшчэ два матчы. А ў матчы з "Чысцю", які праводзіўся на стадыёне суперніка, аршанцы правялі адну з найгоршых сустрэч нават пад кіраўніцтвам Сяргея Вехцева, пры якім дагэтуль здабылі толькі адну перамогу. Пасля першага тайму "Орша" саступала 0:2, і толькі ў другой палове здолела ўратавацца. На 64-й Уладзіслаў Кабачэўскі забіў ў пенальці, праз чатыры хвіліны ён аформіў дубль ужо з гульні. А на 73-й хвіліне Максім Грачыха вывеў аршанцаў наперад. Толькі добрая гульня брамніка Дзяніса Садоўскага ўратавала сіня-белых ад непрыемнасцяў у канцы сустрэчы, якія б пазбавілі іх перамогі. У выніку ўсё ж такі выйгрыш 3:2.