У 4-м туры чэмпіянату Беларусі па валейболе ў дывізіёне Б аршанскі "Узлёт" выехаў у Паставы для двух матчаў з мясцовым "Атлантам". Аршанцы змагаюцца з гомельскім "Бумпрамам" за першынство, але матчы ў Паставах традыцыйна праходзяць для "Узлёта" напружана, на якім бы месцы і ў якім бы складе ні гуляў "Атлант". Так атрымалася і на гэты раз.
У першым матчы пастаўскі клуб толькі ў апошняй партыі сапраўды змагаўся да канца, але прайграў у трох сэтах 0:3 (15:25; 19:25; 22:25). А вось на другі дзень першы сэт аршанцы ўзялі толькі на тай-брэйку 26:24. "Атлант", паказаўшы сваю сілу, не думаў здавацца. Другую партыю выйгралі ўжо гаспадары пляцоўкі 25:22. За імі ж засталася і наступная 25:21. Ва ўпартай барацьбе аршанцы здабылі перамогу ў чацвёртым сэце 25:23, але на заключную партыю сілаў ужо не хапіла, "Атлант" быў крыху мацнейшы - 15:10. Вынік 3:2.
