У паядынку з клубам "Тэрыторыя футболу" аршанцы не ўбачылі перашкоды, хаця ўсё ж прапусцілі ад каманды з апошняга месца ў табліцы 4 мячы. Расслабленасць і ўпэўненасць у станоўчым выніку замінала аршанцам быць сканцэнтраванымі да канца, гэта вылілася ў два прапушчаныя ў заключныя хвіліны мячы. Аднак разгубіцца было немагчыма, бо пасля першага тайму ў "Вітэна" быў якасны задзел 6:1. А матч завяршыўся перамогай 10:4.
Пасля перамогі над "Тэрыторыяй футболу" "Вітэн" мае 30 пунктаў і на 4 пункты адстае ад гомельскага ВРЗ. Праўда, у гамельчукоў на матч праведзена больш. А гэта дае аршанцам падставу спадзявацца, што неўзабаве адставанне ад лідэра будзе скарочанае.
