Падводзяцца вынікі міжнароднага шахматнага турніру "Орша-2019", які адбыўся ў Лядовай арэне. У турніры Open аршанец Вячаслаў Зарубіцкі заняў 3-е месца (на фота крайні справа), не прайграўшы ніводнай з 9 партый. Выйграў спаборніцтвы 30-гадовы расеец Аляксандр Маскаленка, які ў самім турніры згуляў з Зарубіцкім унічыю. Наш суайчыннік пачаў змаганні з трох перамог запар, але затым трапіў у паласу нічыіх, іх набралася 5 запар, так што дзве фінішныя перамогі толькі забяспечылі аршанцу трэцюю пазіцыю.
Камандныя спаборніцтвы выйграў РЦАП (Менск), Гародня стала 2-й, а замкнулі тройку Вялікія Лукі (РФ). 1-я зборная Оршы падзяліла 6-8 месца, а 2-я фінішавала на 11-13. Усяго ў каманднае першынство было ўключана 13 каманд.
Поўныя вынікі турніру можна паглядзець на сайце chess.by.
