Хутка ў Беларусі прйдуць выбары ў Палату прадстаўнікоў. У нашай краіне ўсё яшчэ мажарытарная сістэма выбараў у парламент, якая дасталася нам ад СССР дзе была адна партыя і не было альтэрнатыўных выбараў. У нармальных палітычных сістэмах парламент - гэта месца дыскусіяў праз якія вызначаецца стратэгічны курс развіцця краіны. Таму выбаршчыкі галасуюць не столькі за асобаў дэпутатаў колькі за праграмы партыяў. У нас жа пры мажарытарнай сістэме вабаршчык галасуе за асобаў, але асоба не можа стварыць фракцыю, уваходзіць адразу ў некалькі парламенцкіх камісіяў, лабіяваць шэраг законапраэктаў у розных сферах. Таму і атрымліваецца ў нас, што кандыдаты на выбарах распавядаюць не пра законапраэкты, а абяццаюць адрамантаваць масты, пабудаваць лядовыя палацы, навесці парадак у пад'ездзе і г.д. То бок, абяццаюць тое чым павінна займацца выканаўчая ўлада, а не парламент. Законы, канешне, кандыдаты ў парламент не прапаноўваюць аніякія. У выніку і з'яўляюцца закон аб дармаедстве, а дэпутаты галасуюць за іх аднагалосна без дыскусіяў.
Але дапусцім, што ў краіне раптам змянілася сістэма правядзення выбараў і ў парламент абіраюць па прапарцыйнай сістэме (галасуюць за партыі). За якую партыю ў такім выпадку хацелі б прагаласаваць вы. Прагаласаваць вы можаце на галоўнай старонцы сайта. Акрамя партыяў мы дадалі ў спіс грамадскія арганізацыі, якія заяўлялі калі-небудзь пра свае палітычныя амбіцыі. У спісе таксама прысутнічаюць не зарэгістраваныя партыі, якія існуюць у фармаце аргкамітэтаў, бо пры змене выбарчай сістэмы такія партыі, відавочна, мусяць быць зарэгістраваныя, або будуць выступаць пад імём іншых партый.
Партыі і арганізацыі ў спісе размешаны ў алфавітным парадку, але ў першай частцы апытання ідуць тыя партыі, якія хоць неяк праяўлялі сябе ў Оршы, адпаведна, пры выбарах маглі б весці агітацыю непасрэдна ў горадзе. Варыянт супраць усіх мы прыбралі свядома. Пры прапарцыйнай сістэме такі варыянт адказу не можа быць актуальным, а тыя каму не спадабаліся б выбары па такой сістэме не сталі б у іх удзельнічаць, а, значыць, не будуць удзельнічаць і ў нашым апытанні.
Апытанне атрымалася вельмі вялікім у сувязі з чым адна з партыяў - партыя працоўных - крыху згубіласяў спісе. Сумніўна, што нехта будзе галасаваць за гэтую партыю, бо ўжо некалькі год яна не праяўляла актыўнасці, хаця і не абвяшчала пра спыненне дзейнасці. Тым не меьнш, калі вы хочаце за яе прагаласаваць, то без праблем гэта можна зрабіць адкрыўшы любы артыкул - тады апытанне будзе бачная цалкам.
