У 7-м туры чэмпіянату Беларусі па футболе сярод каманд Першай лігі аршанцы ў Светлагорску гулялі з "Хімікам" — камандай, якая ніколі не пакідала гэтага дывізіёну. На 17-й хвіліне Дзмітрый Іваноў забіў свой 4-ты гол у чэмпіянаце краіны. Толькі ў другім тайме светлагорцам удалося зраўняць лік, на 54-й хвіліне Арцём Камароў рэалізаваў пенальці. А на 90-й хвіліне яму прадаставіўся яшчэ адзін шанц біць з 11-метровай пазнакі. На гэты раз перагуляць аршанскага варатара Дзмітрыя Харытонава Камароў не здолеў, але дабіў мяч у сетку пасля адскоку. Перамога "Хіміка" 2:1.
Аршанцы пацярпелі ўжо трэцюю паразу ў шасці матчах чэмпіянату. Каманда Сяргея Вехцева апусцілася на 10-е месца. Яна мае 7 пунктаў. У лідэрах "Белшына", "Смалявіы" і гомельскі "Лакаматыў", у якіх па 16 пунктаў.
