Орша, Спорт

«Сталіца» ўзяла рэванш

31.05.2019 12:05

2927 праглядаў, 0 каментароў

Аршанскі «Вітэн» саступіў у другім матчы паўфінальнай серыі.

Працягваецца чэмпіянат Беларусі па міні-футболе. Зараз праходзіць турнір па алімпійскай сістэме, які і назаве чэмпіёна краіны. У паўфіналах барацьба трывае да трэціх паядынкаў, бо клубы, якія прайгралі першыя паўфіналы, узялі рэванш. У суперніцтве гомельскіх БЧ і ВРЗ на гэты раз перамаглі «вагонарамонтнікі» 5:2. А ў серыі, у якой аршанскі «Вітэн» супрацьстаіць менскай «Сталіцы», таксама ўсталяваўся лік 1-1 па перамогах. У матчы ў адказ, які напярэдадні прыняў спартовы комплекс МАПІД, «Сталіца» выйграла 2:1. Адзіны гол у аршанцаў забіў Іваноў, а «зялёна-белыя» вырвалі вікторыю ў овертайме ўжо на 55-й секундзе дзякуючы голу легіянера Бету.

Цяпер серыі чакае трэці матч, «Вітэн» прыме «Сталіцу» ў нядзелю, 2-га чэрвеня. Матч адбудзецца ў с/к «Алімпійскі» і пачнецца а 14:00.