Орша, Спорт

Пройгрыш у Смалявічах

09.06.2019 07:41

3220 праглядаў, 0 каментароў

Футбалісты «Оршы» прайгралі «Смалявічам», што рвуцца ў вышэйшую лігу.

У матчы 9-га туру футбольны клуб «Орша» прайграў супернікам са «Смалявічаў», матч адбыўся на полі суперніка на стадыёне «Азёрны», які нядаўна адкрыўся пасля рамонту. Карты сіня-белым зблытала ранняе выдаленне Уладзіслава Казакова, абаронцу «Оршу» выгналі з поля ўжо на 16-й хвіліне. Тым не менш, «ільняныя» пратрымаліся амаль да перапынку, толькі ў дададзеныя да першага тайму хвіліны смалевічане адкрылі лік. У другім тайме аршанцы ўжо не здолелі гуляць на роўных з супернікам — розніца на аднаго гульца адбіўся на фізічным стане і здольнасці паспяваць. На 55-й і 61-й хвілінах аршанцы прапусцілі галы. На 72-й у браму гаспадароў быў прызначаны пенальці, які рэалізаваў паўабаронца сіня-белых Грачыха. «Орша» саступае 1:3 і застаецца ў сярэдзіне табліцы. Дакладнае турнірнае становішча стане вядомым пасля таго як скончацца ўсе матчы туру.