Орша, Спорт

«Вітэн» выйграў бронзу

14.06.2019 19:30

2854 прагляду, 1 каментар

Аршанскі міні-футбольны клуб «Вітэн» стаў бронзавым прызёрам чэмпіянату Беларусі.

У серыі за бронзавыя медалі аршанцы абмяняліся перамогамі з гомельскім БЧ. Трэці матч, які выпала прымаць Оршы, стаў вырашальным у серыі да дзвюх перамог. Ужо на 3-й хвіліне Козел з перадачы Гусакова са штрафнога адкрыў лік у сустрэчы. Меней чым праз тры хвіліны Белы падвоіў вынік на табло. Колб на 11-й хвіліне адзін мяч адыграў, але ненадоўга, бо неўзабаве забіў Гусакоў. БЧ вярнуўся ў гульню на 16-й, калі Мазны зрабіў лік 3:2. Разрыў вырас на старце другой паловы пасля ўдару Дзядзічкіна. Мяч Брэднева на 29-й хвіліне стаў трэцім і апошнім для гамельчукоў. Перамога «Вітэна» 4:3, і каманда становіцца бронзавым прызёрам чэмпіянату Беларусі!

Ад імя рэдакцыі Orsha.eu віншуем трэнераў, футбалістаў і кіраўнікоў «Вітэна» з бронзавымі ўзнагародамі!