У матчы за трафей аршанцам супрацьстаяла менская "Сталіца". Паядынак прыняў магілёўскі спартовы комплекс "Алімпіец". Якубаў, Гусакоў, Рось, Чарніенка і Клачко забілі па мячы ў браму зялёна-белых. Прычым два апошнія мячы ўляцелі ў сетку "Сталіцы", калі яна рызыкавала, пакінуўшы браму пустой і выпусціўшы дадатковага гульца "ў поле". Упэўненая перамога "Вітэна" 5:1 і заслужанае ўзяцце трафею!
Варта адзначыць і аршанскіх заўзятараў, якія прыбылі ў Магілёў і цягам усяго матчу падтрымлівалі каманду. У арсенале банэраў прыхільнікаў энергетыкаў цяпер з'явіўся і першы банэр на беларускай мове. Ён прысвечаны выканаўчаму дырэктару "Вітэна" Дзянісу Голубеву, які пайшоў з жыцця ў красавіку 2018 года.
Бліскучы гол Антона Гусакова. Фотаздымкі mini.football.by
