Орша, Спорт

Старт футболу

18.04.2020 10:46

2918 праглядаў, 0 каментароў

18-га красавіка ў Оршы пачынаецца футбольны сезон.

А 16:30 на поле гарадскога стадыёна выйдуць футбалісты "Оршы" і "Ліды". Аршанцаў узначальвае новы трэнер — узімку замест Сяргея Вехцева ім стаў Аляксандр Вопсеў. Склад абнавіўся даволі моцна, у каманду вярнуліся Уладзіслаў Знак і Яўген Калінін, якія правялі мінулы сезон па-за Оршай. "Ліда" расцэньваецца як моцны серадняк, у "Оршы" ж пераважна малады склад, патэнцыял якога пакуль складана ацаніць. На першы матч не прыйдуць фанаты "Оршы", якія раней абвясцілі пра тое, што ўстрымаюцца ад наведвання футболу як дома так і на выездзе з-за пандэміі каранавірусу, тым больш што ў Оршы ўжо зафіксавана некалькі смяротных выпадкаў. Сустрэча будзе транслявацца на сайце федэрацыі футболу.